የኢትዮጵያ ኤሌክትሪክ አገልግሎት አዲስ ኃይል ማስቀጠያ ክፍያን በዱቤ ለሚከፍሉ ደንበኞች የሚጣለውን #የወለድ_ክፍያ ሙሉ በሙሉ ማንሳቱን ሲገልፅ በደስታ ነው፡፡
 
እርሶም አዲስ የኤሌክትሪክ ቆጣሪ ማስገባት ፈለግው፤ የማስቀጠያ ክፍያውን በአንድ ጊዜ መክፈል ሳይጠበቅብዎ ያለ ወለድ፤ በረጅም ጊዜ የዱቤ አማራጭ ተጠቃሚ መሆን ይችላሉ፡፡ 

ታዲያ ይፍጠኑ፤ የዚህ ዕድል ተጠቃሚ ይሁኑ‼️ 
 
🔋 ከእርስዎ ምን ይጠበቃል? 
 
📌 የጊዜ ገደብ ክፍያ ስርዓት ተጠቃሚ ለመሆን ማመልከት፣
 
📌 የማስገመቻ ሙሉ ክፍያ መክፈል፣
 
📌 ከጠቅላላው የማስቀጠያ ክፍያ ላይ ለቅድመ ክፍያ የተቀመጠውን 10 በመቶ መክፈል፣
 
📌 በጊዜ ገደብ ክፍያ በየወሩ ከፍጆታ ሂሳብ ጋር ክፍያውን ለመፈፀም የውል ስምምነት መፈረም እና ውሉን ማክበር
 
👉 ያስታውሱ
 
➡️ ክፍያው ሙሉ ለሙሉ ከወለድ ነፃ ነው።
➡️ አገልግሎቱ የቀረበው ተጨማሪ #የኤሌክትሪክ_ምሰሶ ለማያስፈልጋቸው ተገልጋዮች ብቻ ነው፡፡
➡️ በአንድ ጊዜ መክፈል እንደማይችል ምንም ማረጋገጫ ማምጣት አይጠበቅብዎትም፡፡
➡️ የሚፈቀደው  ለነጠላ ፌዝ (Single phase) ቆጣሪ ብቻ ነው፡፡
➡️ እስከ 2 ዓመት የሚቆይ የረጅም ጊዜ ክፍያ ስርዓት ነው፡፡
 
🔋አሁኑኑ በአቅራቢያዎ ወደሚገኝ የአገልግሎት መስጫ ማዕከላች በመቅረብ ተጠቃሚ ይሁኑ!
 
 

የኢትዮጵያ ኤሌክትሪክ አገልግሎት የደንበኞቹን የአገልግሎት እርካታ ለማሳደግና የሚያጋጥሙ የኃይል መቆራረጥ እንዲሁም የቆጣሪ ችግሮችን በፍጥነት ለመፍታት የሚያስችለውን አዲስ የቆጣሪ መቆጣጠሪያ ማዕከል (MCC) በጎፋ ዕቃ ግምጃ ቤት ወደ ሥራ ለማስገባት በመስራት ላይ ይገኛል።

በመሆኑም ተቋሙ የደንበኞችን ጥያቄና ቅሬታ በአፋጣኝ ለመመለስ የሚያስችለውን ይህን ዘመናዊ የመቆጣጠሪያ ማዕከል የኢትዮጵያ ኤሌክትሪክ አገልግሎት ዋና ሥራ አስፈጻሚ ኢ/ር ጌቱ ገረመውን ጨምሮ ሌሎች ከፍተኛ የሥራ ኃላፊዎች ዛሬ ጎብኝተውታል።

ይህ ማዕከል የደንበኞችን የኃይል አጠቃቀም፣ የኃይል መቆራረጥ፣ የቆጣሪ አሠራር እክሎችና ሕገ-ወጥ አጠቃቀሞች ከአንድ ማዕከል ሆኖ በቀጥታ (Live) ለመከታተል፣ችግሩ በደረሰበት ቦታ ደንበኞች ጥቆማ ከመስጠታቸው በፊት በፍጥነት እርምጃ ለመውሰድ ያስችላል።

በተጨማሪም የስማርት ቆጣሪዎችን መረጃ በመሰብሰብና በመተንተን የተሻለና የተረጋጋ የኃይል አቅርቦት ለደንበኞች ለማቅረብ ያግዛል።

በተመሳሳይ ደንበኞች ወደ ቢሮ ሳይመጡ በማህበራዊ ሚዲያና በዲጂታል አማራጮች አማካኝነት አስተያየት፣ ጥያቄና ቅሬታቸውን በቀላሉ ማቅረብ የሚችሉበትና ፈጣን ምላሽ የሚያገኙበት የዲጂታል ሚዲያ አሠራር ተዘርግቷል።

በአጠቃላይ ተቋሙ የቴክኖሎጂ መሰረተ-ልማቶችን በማዘመን ለከፍተኛ ሃይል ተጠቃሚዎችና ለሁሉም ደንበኞቹ ቀልጣፋ፣ አስተማማኝና ዘመናዊ አገልግሎት ለመስጠት ያለውን ቁርጠኝነት አረጋግጧል።

#የኢትዮጵያኤሌክትሪክአገልግሎት